“Qarabağ”ın yarımmüdafiəçisi Uqanda üzərində qələbəyə sevindi

“Qarabağ”ın yarımmüdafiəçisi Yassin Benzia Əlcəzair yığmasında növbəti oyununu keçirib.

Futbolxeber.az saytının məlumatına görə, o, DÇ-2026-nın seçmə mərhələsində Uqandaya qarşı keçirilən səfər matçının iştirakçısı olub.

Görüşə ehtiyatdan başlayan Benzia 69-cu dəqiqədə “Lion”un yarımmüdafiəçisi Said Benrahmanın əvəzinə meydana çıxıb.

Matç Əlcəzair millisinin 2:1 hesablı qələbəsi ilə yekunlaşıb.

Bu qələbədən sonra xallarının sayını 9-a çatdıran Benzianın komandası 4 turdan sonra qrupda liderdir.