“İnter” Barello ilə yeni müqavilə imzalayır

Nikolo Barello “İnter”lə müqaviləsini yeniləyəcək.

Futbolxeber.az saytının xarici KİV-ə istinadən verdiyi məlumata görə, tərəflər arasında yeni sözləşmə barədə aparılan danışıqlar müsbət yekunlaşıb.

27 yaşlı yarımmüdafiəçinin yeni müqaviləsi 2029-cu ilin iyununa kimi nəzərdə tutulub.

Qeyd edək ki, Barello “İnter”də 2019-cu ildən çıxış edir. Son mövsümdə o, bütün turnirlər nəzərə alınmaqla meydana çıxdığı 48 oyunda 2 qol, 7 məhsuldar ötürmə ilə yadda qalıb.