"Real"ın futbolçuları bilərəkdən sarı vərəqə alıblar

UEFA “Real”ın baş məşqçisi Joze Maurinyo və klubun bəzi futbolçularını cəzalandıra bilər. Futbolxeber.az-ın məlumatına görə Çempionlar Liqasının 1/4 finalında “Qalatasaray”la oyunda Serxio Ramos və Xabi Alonsonun bilərəkdən sarı vərəqə almaları sübuta yetirilərsə, komandanın bir neçə üzvü cərimə olunacaq. Güman olunur ki, “Qalatasaray”la oyuna qədər Ramos və Alonsonun hesabında bir sarı vərəqə olduğu üçün ikinci sarı vərəqəni alıblar, İstanbuldakı cavab oyunun buraxmaqla “Real” futbolçuları yarımfinal mərhələsinə qədər “təmizlənmək” istəyiblər.

Qeyd edək ki, analoji hal “Real”ın qrup mərhələsində keçirilən oyunlarda da baş vermiş və Joze Maurinyo ilə yanaşı bir neçə futbolçu da UEFA tərəfindən yüksək məbləğdə cərimə olunmuşdu.