“Traktor” səfərdə uduzdu

İran çempionatında 24-cü turun oyunları keçirilir.

Futbolxeber.az saytının məlumatına görə, Cənubi Azərbaycan təmsilçisi “Traktor” səfərdə “Nassaji Mazandaran”ın qonağı olub. Görüş meydan sahiblərinin 1:0 hesablı qələbəsi ilə yekunlaşıb.

Ardıcıl ikinci məğlubiyyətini alan Təbriz təmsilçisi mövsümü medalçılar sırasında başa vurmaq şansını xeyli azaldıb. Hazırda “Traktor” 40 xalla dördüncü pillədədir. 1 oyun az keçirən “Malavan” 38 xalla 5-ci, “Sepahan” isə 42 xalla üçüncüdür. Sona 6 tur qalmış çempionluq uğrunda mübarizə aparan “İstiqlal” 53 xalla liderdir, “Persopolis” isə 52 xalla ikincidir.