Veşoviç üçün 90, Yankoviç üçün 66 dəqiqə, Prosineçkidən uğurlu debüt

“Qarabağ”ın formasını geydiyi Marko Yankoviç və Marko Veşoviç Monteneqro yığmasının heyətində növbəti oyuna çıxıblar.

Futbolxeber.az saytının məlumatına görə, hər iki futbolçu Belarusa qarşı keçirilən matçın start heyətində yer alıb.

Veşoviç görüşü əvəzolunmadan keçirdiyi halda, Yankoviç 66-cı dəqiqədə Marko Bakiçlə əvəzlənib.

Görüş Monteneqro yığmasının 2:0 hesablı qələbəsi ilə başa çatıb. Qələbə gətirən qolları ilk hissədə Marusiç və Krstoviç vurub.

Qeyd edək ki, Monteneqro millisi 3 gün sonra Şimali Makedoniya ilə yoldaşlıq görüşündə qüvvəsini sınayacaq.

Əlavə edək ki, Monteneqro yığmasına hazırda milli komandamızın sabiq baş məşqçisi Robert Prosineçki rəhbərlik edir. Belarusla matç onun yeni vəzifəsində debütu idi.