Həbsdən sonra futbola qayıtdı

İslandiyalı tanınmış futbolçu Qilfi Siqurdsson uzun fasilədən sonra meydana qayıdıb.

Futbolxeber.az saytının verdiyi məlumata görə, o, "Linqbi" komandasının heyətində Danimarka Superliqasının 9-cu turunun "Veyle" ilə oyununda (1:1) debüt edib.

34 yaşlı futbolçu 2021-ci ilin may ayından bəri ilk dəfə meydana çıxıb. O, son dəfə "Everton" formasıyla İngiltərə Premyer Liqanın son turunda "Mançester Siti" görüşdə forma geyinib.

Siqurdsson həmin ilin iyulunda yetkinlik yaşına çatmayan şəxslərə qarşı seksual xarakterli hərəkətlərdə şübhəli bilinərək həbs edilib. İki il sonra kifayət qədər sübut olmadığı üçün ona qarşı bütün ittihamlar ləğv edilib.

İslandiyalı avqustun 31-də "Linqbi" ilə bir illik müqavilə imzalayıb.