Ardanın komandası Diniyevi məyus etdi

Türkiyə birinci liqasında altıncı tura start verilib.

Futbolxeber.az saytının məlumatına görə, millimizin yarımmüdafiəçisi Coşqun Diniyevin formasını geydiyi “Ümraniyespor” səfərdə Arda Turanın çalışdırdığı “Eyüpspor”un qonağı olub.

Meydana start heyətində çıxan Coşqun 80-ci dəqiqədə Muhammed Mertlə əvəzlənib.

Matçda hesabı 60-cı dəqiqədə “Eyüpspor”dan Caner Erkin açıb. 90+4-cü dəqiqədə “Ümraniyespor”un qapısından ikinci qolu keçirən Ahmet Kutucu “Eyüpspor”un 2:0 hesablı qələbəsini rəsmiləşdirib.

Bu yenilgidən sonra əvvəlki kimi 2 xalda qalan Diniyevin komandası sonuncu pillədə qərarlaşıb. “Eyüpspor” isə ardıcıl altıncı qələbəsini qazanmaqla çempionatın vahid lideridi.