“Olimpiya” Bakıya məğlub gəlir

Sloveniya çempionatında 6-cı turun oyunları keçirilib.

Futbolxeber.az saytının məlumatına görə, Avropa Liqasının pley-off mərhələsində “Qarabağ”ın rəqibi olan Lyublyana “Olimpiya”sı da növbəti matçına çıxıb.

Sözügedən komanda doğma meydanda “Çelye” ilə qarşılaşıb və 2:4 hesabıyla məğlub olub.

“Olimpiya” 6 turdan sonra 9 xalla 3-cü pillədə qərarlaşıb.

Qeyd edək ki, “Qarabağ”la “Olimpiya” arasındakı ilk qarşılaşma Azərbaycan çempionunun 2:0 hesablı qələbəsi ilə başa çatıb. Bu komandaların cavab görüşü isə ayın 31-də Bakıda keçiriləcək.