Sabiq “Qarabağ”lı penalti qaçırdı, Diniyevin komandası xal qazandı

Türkiyə I liqasında 3-cü turun oyunları keçirilir.

Futbolxeber.az saytının məlumatına görə, Coşqun Diniyevin formasını geydiyi “Ümraniyespor” səfərdə “Sakaryaspor”la qarşılaşıb.

Diniyev meydana start heyətində meydana çıxıb və 90 dəqiqə mübarizə aparıb.

Görüş 1:1 hesabı ilə yekunlaşıb. “Ümraniyespor” fasiləyə hesabda üstün yollansa da, ikinci hissədə qələbəni əldən verib. Coşqun Diniyevin komandası meydanı xalsız da tərk edə bilərdi. Lakin “Qarabağ”ın keçmiş hücumçusu, hazırda “Sakaryaspor”da forma geyən Dino Ndlovu 90-cı dəqiqədə “Ümraniyespor”un qapısına oyun ərzində təyin edilən ikinci penaltini qola çevirə bilməyib.

Qeyd edək ki, 3 turdan sonra Coşqunun komandası 2 xalla 18 komanda arasında 12-ci pillədə qərarlaşıb.