“Barselona”da Busketsi o əvəzləyə bilər

“Jirona”nın yarımmüdafiəçisi Oriol Romeu karyerasını “Barselona”da davam etdirə bilər.

Futbolxeber.az saytının “Mundo Deportivo”ya istinadən verdiyi məlumata görə, Kataloniya klubu 31 yaşlı futbolçuya “İnter Mayami”yə transfer olunan Serji Busketsin əvəzləyicisi gözü ilə baxır.

“Barselona” rəhbərliyi Busketsin əvəzinə transfer etmək istədiyi əsas namizədlər – Coşua Kimmix (“Bavariya”) və Martin Subimendi (“Real Sosyedad”) ilə razılıq əldə edə bilməyib. Eləcə də Marselo Brozoviç “İnter”dən sonra karyerasını Səudiyyə Ərəbistanıda davam etdirmək qərarına gəlib. Məhz bundan sonra “Barselona” Oriol Romeuya diqqətini yönəldib.

Qeyd edək ki, Romeu “Barselona”nın yetirməsidi. Karyerasının əvvəlində 2 oyunda katalonların formasını geyib. Daha sonra isə 31 yaşlı futbolçu “Çelsi”, “Valensiya”, “Ştutqart” və “Sautgempton”da çıxış edib. “Jirona”ya isə o, ötən ilin sentyabrında keçib.

Futbolxeber.az-ın teleqram kanalına abunə olun