Laporta təsdiqlədi: “Barselona” Arda Gülərlə danışıqlar aparır

“Barselona”nın prezidenti Joan Laporta “Fənərbaxça”nın yarımmüdafiəçisi Arda Gülərlə danışıqlar apardıqlarını təsdiqləyib.

Futbolxeber.az saytının məlumatına görə, “Tv3”ün canlı yayımında o, türkiyəli futbolçu ilə bağlı deyib:

“Deku Arda Gülərin transferinin reallaşması üçün çalışır. Bizim skautlar xeyli vaxtdır onun çıxışını yaxından izləyirlər. Dekunun da bu barədə öz fikirləri var. Bu keçidi reallaşdırmaq üçün çalışırıq”.

Qeyd edək ki, “Fənərbaxça”nın yetirməsi olan Arda Gülər hazırda Avropanın aparıcı klublarının maraq dairəsindədi. Son mövsüm 18 yaşlı futbolçu bütün turnirlər nəzərə alınmaqla 35 matçda 6 qol vurub, 7 məhsuldar ötürmə verib.

Futbolxeber.az-ın teleqram kanalına abunə olun