“Vilyarreal”ı “Aston Villa”ya dəyişir

“Aston Villa” növbəti transferini reallaşdırmağa yaxındı.

Futbolxeber.az saytının “The Athletic”ə istinadən verdiyi məlumata görə, İngiltərə təmsilçisi “Vilyarreal”ın müdafiəçisi Pau Torreslə razılığa gəlib.

26 yaşlı futbolçu şəxsi müqaviləsinin detallarını klubla razılaşdırıb. “Aston Villa”nın bu transfer üçün 35 milyon avro xərcə düşəcəyi bildirilir.

Pau Torresin transferi bu yay üçün “Aston Villa”nın əsas hədəflərindən biri idi. Birmingem klubunu baş məşqçisi Unai Emeri daha əvvəl “Vilyarreal”da rəhbərliyi altında oynamış müdafiəçini hazırkı iş yerində də sərəncamında görmək istəyirdi.  

Qeyd edək ki, 2022/23 mövsümündə Torres bütün turnirlər nəzərə alınmaqla “Vilyarreal”ın heyətində 39 matça çıxıb.

Futbolxeber.az-ın teleqram kanalına abunə olun