“Milan” niderlandlı yarımmüdafiəçi ilə 5 illik müqavilə imzalayır

“Milan” növbəti transferini reallaşdırır.

Futbolxeber.az saytının “La Gazzetta dello Sport”a istinadən verdiyi məlumata görə, “Qırmızı-qaralar” “AZ Alkmaar”ın yarımmüdafiəçisi Teyani Reyndersi heyətinə qatır.  

“Milan” 24 yaşlı futbolçu ilə 5 illik müqavilə imzalayacaq. Onun illik maaşı 1,7 milyon avro təşkil edəcək.

Teyani Reynderslə İngiltərə klubları da maraqlansa da, o, İtaliyada çıxış etməyi üstün tutub. “Milan”ın “AZ Alkmaar”a bu keçid üçün 18-20 milyon avro ödəyəcəyi gözlənilir.

Qeyd edək ki, Reynders son mövsüm Niderland çempionatında 34 matçda 3 qol, 7 məhsuldar ötürmə ilə yadda qalıb.

Futbolxeber.az-ın teleqram kanalına abunə olun