“Zenit”in 8 futbolçusu “Neftçi”yə qarşı oynaya bilməyəcək

Rusiyanın “Zenit” klubunun 8 futbolçusu Sankt-Peterburqda təşkil olunacaq “Matç TV” turnirinin ilk turunda “Neftçi” ilə oyunu buraxacaq.

Futbolxeber.az saytının “bobsoccer.ru”ya istinadən verdiyi məlumata görə, onlardan 1-i yerli, 7-si isə əcnəbidir.

Belə ki, rusiyalı Daler Kuzyayevlə yanaşı, braziliyalılar - Malkom, Vendel, Robert Renan, Rodriqao, kolumbiyalılar - Matteo Kassierra, Vilmar Barrios və qazaxıstanlı Nurali Alip iyulun 1-də baş tutacaq qarşılaşmada iştirak edə bilməyəcəklər.

Məqalədə “Zenit”in ən yaxşı halda iyulun 9-da Türkiyə klubu “Fənərbaxça”ya qarşı keçiriləcək turnirin son tur matçına tam heyətlə iştirak edə biləcəyi yazılıb.

Qeyd edək ki, “Zenit” - “Neftçi” oyunu “Qazprom Arena”da baş tutacaq.

Futbolxeber.az-ın teleqram kanalına abunə olun