“Olimpiakos”da yeni baş məşqçi

“Olimpiakos”un yeni baş məşqçisi müəyyənləşib.

Futbolxeber.az saytının xarici KİV-ə istinadən verdiyi məlumata görə, Yunanıstan təmsilçisini bundan sonra Dieqo Martines çalışdıracaq.

Son il yeri “Espanyol” olan 42 yaşlı mütəxəssis bu ilin aprelindən işsizdi. O, daha əvvəl “Qranada” və “Osasuna”nı da çalışdırıb.

Qeyd edək ki, “Olimpiakos” sabiq baş məşqçisi Miçellə apreldə vidalaşıb. Mövsümün sonuna kimi komandanı müvəqqəti olaraq Joze Aniqo çalışdırıb.

Əlavə edək ki, son mövsümdə “Olimpiakos” Yunanıstan çempionatını üçüncü pillədə başa vurub.

Futbolxeber.az-ın teleqram kanalına abunə olun