Suares karyerasını başa vurur

“Qremio”nun hücumçusu Luis Suares karyerasını bitirmək qərarına gəlib.

Futbolxeber.az saytının Esportes GZH-ə istinadən verdiyi məlumata görə, uruqvaylı forvard səhhətindəki problemlər səbəbindən futbolla vidalaşır.

Dizində problem olan Suares “Qremio” rəhbərliyi ilə görüşdən sonra yekun qərarını açıqlayacaq. Klub rəhbərliyi Suaresin karyerasını başqa komandada davam etdirə biləcəyindən narahatdı. Bu səbəbdən də onlar uruqvaylı forvardla xüsusi müqavilə imzalamaq istəyirlər. Həmin sözləşməyə əsasən, Luis Suares karyerasını bitirməsə, başqa kluba keçsə, o zaman “Qremio”ya kompensasiya ödəyəcək.

Qeyd edək ki, bu ilin yanvarından Braziliya klubunda forma geyən futbolçu 25 maçtda 11 qol vurub.

Futbolxeber.az-ın teleqram kanalına abunə olun