Daliç: “Bu, Xorvatiya millisinin ən böyük qələbələrindən biridi”

Xorvatiya millisinin baş məşqçisi Zlatko Daliç UEFA Millətlər Liqasının yarımfinalında Niderland üzərində qazanılan qələbəni (4:2) şərh edib.

Futbolxeber.az saytının məlumatına görə, təcrübəli mütəxəssis tarixi qələbə qazandıqlarını bildirib:

“Komandamı təbrik edirəm. Bu qələbə bütün ölkə üçündü. Niderland millisini səfərdə 4:2 hesabı ilə məğlub etmək böyük uğurdu. Növbəti medalımızı qazanacağıq. Biz buna layiqik. Bu, Xorvatiya millisinin  ən böyük qələbələrindən biridi. Biz Niderlandı onların meydanında, özü də hesabda geri düşdüyümüz, üstəlik, 90+6-cı dəqiqədə qapımızda qol gördüyümüz bir matçda məğlub etdik. Bu, tarixi qələbədi”.

Qeyd edək ki, Xorvatiya millisinin finaldakı rəqibi bu gün keçiriləcək İspaniya - İtaliya oyunundan sonra müəyyənləşəcək.