Mourinyo “Əl-Hilal”ın təklifini geri çevirdi

“Roma”nın baş məşqçisi Joze Mourinyo Səudiyyə Ərəbistanın “Əl-Hilal” klubunun təklifini geri çevirib.

Futbolxeber.az saytının “Sky Italia”ya istinadən verdiyi məlumata görə, bu gün portuqaliyalı mütəxəssislə klub prezidenti Valid Muat arasında həlledici görüş keçirilib.

Görüş zamanı 60 yaşlı məşqçi Səudiyyə Ərəbistanı təmsilçisini çalışdırmaq istəmədiyini bildirib. Mourinyo “Roma”dakı işini davam etdirmək istədiyini vurğulayıb.

Qeyd edək ki, Joze Mourinyo 2021-ci ildən “Roma”da çalışır. Son mövsüm onun rəhbərliyi altında A seriyasında 6-cı olan paytaxt təmsilçisi Avroliqada da finala kimi irəliləyib.