Makron: “Mbappeni PSJ-ni tərk etməmək üçün razı salmağa çalışacam”

Fransa prezidenti Emmanuel Makron Kilian Mbappenin PSJ-ni tərk edəcəyi barədə yayılan xəbərləri şərh edib.

Futbolxeber.az saytının “RMC Sport”a istinadən verdiyi məlumata görə, dövlət başçısı jurnalistlərin bu haqda sualını belə cavablandırıb:

“Mbappenin PSJ-də qalıb-qalmayacağı barədə hər hansı bir informasiyam yoxdu. Amma mən onu komandanı tərk etməmək üçün razı salmağa çalışacam”.

Xatırladaq ki, PSJ ilə müqaviləsini yeniləməyən Mbappe gələn mövsümün sonu azad agent statusunda olacaq. Bu səbədən də Paris klubunun rəhbərliyi gələn yay ulduz futbolçunu pulsuz itirməmək üçün artıq bu yay onu satmaq barədə düşünür. Mbappenin “Real”a keçəcəyi gözlənilir.

Əlavə edək ki, Mbappe hələ ötən yay “Real”a transfer oluna bilərdi. Lakin sonradan futbolçu PSJ-də qalmaq qərarına gəldi və bildirdi ki, bunda Emmanuel Makronun xahişinin rolu olub.