“Fənərbaxça” Azərbaycan klublarına potensial rəqib oldu

Türkiyənin “Fənərbaxça” klubu avrokuboklarda Azərbaycan komandalarına rəqib ola bilər.

Futbolxeber.az saytının məlumatına görə, Super Liqada mövsümü 2-3-cü yerlərdən birində bitirəcəyi dəqiqləşən İstanbul təmsilçisi UEFA Konfrans Liqasına vəsiqə əldə edib.

Qitənin üçüncü dərəcəli klub turnirində mübarizəyə II təsnifat mərhələsindən başlayacaq “bülbüllər” püşkatma zamanı səpələnmişlərdə yer alacaq. Bu isə o deməkdir ki, Jorje Jezuşun kollektivi səpələnməmişlər səbətində olacaq “Qəbələ” və “Sabah”ın potensial rəqibləri sırasına qoşulub.

Qeyd edək ki, iyunun 20-də I təsnifat mərhələsinin, bir gün sonra isə II raundun püşkü atılacaq. Azərbaycan klubları ilk oyunlarını iyulun 27-də, cavab matçlarını avqustun 3-də keçirəcəklər.