“Mənə Messi barədə sual verməyin”

Səudiyyə Ərəbistanının “Əl-Hilal” klubunun prezidenti Fahd Bin Nafel Lionel Messinin mümkün transferi barədə danışmaq istəməyib.

Futbolxeber.az saytının məlumatına görə, argentinalı ulduzu mümkün keçidi barədə jurnalistlərin sualına klub rəhbəri belə cavab verib:

“Mənə Messi barədə sual verməyin. Onsuz da heç nə deməyəcəm. Əgər hər hansı bir xəbər olsa, klubun mətbuat xidməti bu məlumatı yayımlayacaq və hər kəs bundan xəbər tutacaq. Mənim üçün komanda istənilən oyunçudan üstündü”.

Qeyd edək ki, PSJ ilə müqaviləsi iyunda başa çatan Lionel Messinin karyerasını Səudiyyə Ərəbistanıda davam etdirəcəyi barədə xəbərlər səngimək bilmir.