Pelleqrini Avroliqanın finalında oynayacaq

Bir müddətdir zədədən əziyyət çəkən “Roma”nın yarımmüdafiəçisi Lorenso Pelleqrini Avroliqanın finalında “Sevilya”ya qarşı oynaya biləcək.

Futbolxeber.az saytının “Football Italia”ya istinadən verdiyi məlumata görə, bu barədə komandanın baş məşqçisi Joze Mourinyo açıqlama verib.

“Biz Dibaladan faydalanmağa çalışırdıq. Mən düşünürdüm ki, o, “Salerintana” və ya “Bolonya” ilə matçda 45 dəqiqə meydanda olacaq. Hazırda o, ümumi qrupla birgə çalışmır. Amma biz Dibalanın finalda oynaması üçün əlimizdən gələni edəcəyik. “Fiorentina” ilə çempionat oyununda o da, Pelleqrini də meydana çıxmayacaq. Lakin Avroliqanın finalında Lorensonun oynayacağı dəqiqdi”.

Xatırladaq ki, Avroliqanın finalı mayın 31-də keçiriləcək.