Ən çox penalti təyin olunan ölkələr

İsveçrənin “CIES Football Observatory” şirkəti ən çox penalti təyin olunan ölkə çempionatları ilə bağlı araşdırma aparıb.

Futbolxeber.az saytının məlumatına görə, 75 ölkə arasında aparılan araşdırmaya əsasən, ən çox penalti Misir çempionatında təyin olunur - hər 172 dəqiqəyə 1 penalti. Ümumilikdə isə dünyada hakimlər 271 dəqiqədən bir penalti təyin edirlər.

İkinci yerdə Səudiyyə Ərəbistanı çempionatı qərarlaşıb. Bu liqada 178 dəqiqədən bir hakimlər nöqtəni göstərir. Penalti sayına görə sıralamada üçüncü yeri Rusiya Premyer Liqası tutur (187 dəqiqədən bir). Dördüncü yerdə Mərakeş, beşinci yerdə isə BƏƏ çempionatı qərarlaşıb.

“Böyük beşlik” ölkələri arasında ən yüksək göstərici İataliya çempionatındadı. A seriyasında hakimlər hər 235 dəqiqədən bir penalti təyin edirlər. Bu, dünyada 19-cu göstəricidi.

Qeyd edək ki, ümumilikdə təyin olunan penaltilərin 77,1 faizi qola çevrilir.