Kroos: “Başqa klub barədə heç düşünmürdüm”

Toni Kroos karyerasını “Real”da davam etdirəcək.

Futbolxeber.az saytının məlumatına görə, tezliklə Madrid klubu ilə sözləşməsini daha 1 illiyinə uzadacaq alman yarımmüdafiəçi başqa klublarla danışıqlar aparmaq barədə düşünmədiyini bildirib:

“Hər şey plana uyğun gedir. Mən klubun danışıqlar aparmaq istəməsinə hörmətlə yanaşıram. Uzun illərdi ki, mənim “Real”la yaxşı münasibətim var. Danışıqlar artıq bir müddətdir davam edir. Hər iki tərəf bir-birinə hörmətlə yanaşır. Nəzəri cəhətdən mənim yanvarın 1-dən istənilən klubla danışıq aparmaq hüququm var idi. Amma klub da bilir ki, mən heç vaxt bunu etmərəm. Başqa klub barədə heç düşünmürdüm də”.

Qeyd edək ki, Kross 2014-cü ildən “Real”da çıxış edir.