Sabiq “Mançester Yunayted”li de Xeanın qalmasının tərəfdarıdı

“Mançester Yunayted”in sabiq müdafiəçisi Pol Parker komandanın qapıçısı David de Xea barədə danışıb.

Futbolxeber.az saytının məlumatına görə, veteran futbolçu sabiq klubunu ispan qapıçı ilə yeni müqavilə imzalamağa səsləyib:

“David de Xea yüksək səviyyəli qapıçıdı. Hazırda “Mançester Yunayted”in onu kimləsə əvəzləməsi üçün heç bir səbəb görmürəm. Əminliklə deyirəm ki, klub de Xea ilə müqaviləni yeniləməlidi. İspan qolkiper klubdakı çıxışını davam etdirməyə layiqdi. Ən azı qarşıdakı mövsümdə ona şans verilməlidi. Mənim üçün de Xea dünyanın ən yaxşı qapıçılarından biridi”.

Qeyd edək ki, 2011-ci ildə Mançester təmsilçisinin şərəfini qoruyan 32 yaşlı qolkiperin müqaviləsi cari mövsümün sonunda başa çatır. 2022/23 mövsümündə ispan qapıçı forma geydiyi 45 matçdan 20-də qapısını toxunulmaz saxlayıb.