Müller “Mançester Siti”ni keçə biləcəklərinə inanır

“Bavariya”nın yarımmüdafiəçisi Tomas Müller ilk oyundakı məğlubiyyətə (0:3) baxmayaraq, Çempionlar Liqasının 1/4 finalında “Mançester Siti”ni mübarizədən kənarlaşdıra biləcəklərinə inanır.

Futbolxeber.az saytının məlumatına görə, “Bayern & Germany”ə açıqlamasında alman futbolçu mərhələ adlamaq üçün sona kimi mübarizə aparacaqlarını bildirib:

“Biz inanırıq ki, hələ də şansımız var. Oyuna yaxşı başlamalıyıq. Erkən qol vursaq, yaxud heç olmasa fasiləyə 1:0 hesabı ilə üstün yollansaq, istəyimizə çata bilərik. 10-cu dəqiqədə 3:0 hesabı ilə öndə olmağımıza ehtiyac yoxdu. Hətta ikinci qolu lap 80-ci dəqiqədə vursaq belə, yenə də şansımız olacaq. Biz buna inanırıq”.

Xatırladaq ki, aprelin 19-da keçiriləcək “Bavariya” - “Mançester Siti” oyunu Bakı vaxtı ilə 23:00-da başlayacaq.