Rəqib azarkeşlərə ölmüş siçovullar atdılar

Belçika çempinatının 33-cü turu çərçivəsində keçirilən “Standart” - “Şarlerua” oyununda (3:1) qeyri-adi hal yaşanıb.

Futbolxeber.az saytının məlumatına görə, matçın gedişində “Şarlerua” azarkeşləri yerli fanatların sektoruna ölmüş siçovullar atıblar. Özü də siçovullar qırmızı rəngə - “Standart”ın rənginə boyanmış vəziyyətdə olub. Matçdan sonra yerli azarkeşlərin yer aldığı sektorda onlarla ölü siçovulun fotosu sosial şəbəkələrdə yayılıb.

Qeyd edək ki, hazırda “Standart” 55 xalla altıncı, “Şarlerua” isə 47 xalla turnir cədvəlində 8-ci yeri tutur.