Pioli: “İndi bütün diqqətimizi A seriyasına yönəltməliyik”

“Milan”ın baş məşqçisi Stefano Pioli komandasının hazırkı durumu barədə danışıb.

Futbolxeber.az saytının məlumatına görə, təcrübəli mütəxəssis bildirib ki, komandasının A seriyasındakı vəziyyətindən razı deyil:

“Çempionlar Liqasını hələlik bir kənara qoymalıyıq. İndi bütün diqqətimizi A seriyasına yönəltməliyik. Çempionatdakı hazırkı durumumuz məni heç cür qane edə bilməz. Turnir cədvəlində mövqeyimiz yaxşı deyil. Xal ehtiyatımızı mütləq artırmalı, vəziyyətimizi daha da yaxşılaşdırmalıyıq”.

Qeyd edək ki, “Milan” Çempionlar Liqasının yarımfinalında “İnter”lə üz-üzə gələcək. Tərəflər arasında ilk oyun mayın 9-da keçiriləcək.