Qvardiola: “Onun klubdakı gələcək taleyi qeyri-müəyyəndi”

“Mançester Siti”nin baş məşqçisi Xosep Qvardiola İlkay Gündoğanın komandadan mümkün gedişi barədə danışıb.

Futbolxeber.az saytının məlumatına görə, ispan mütəxəssis hələlik futbolçunun komandada qalıb-qalmayacağının məlum olmadığını bildirib:

“Onun klubdakı gələcək taleyi hələlik qeyri-müəyyəndi. Hazırda İlkay 100 faiz bütün fikrini qarşıdakı oyunlara yönəldib. Gələcəkdə nə olacağını indidən deyə bilmərik. O, hər şeyin ən yaxşısına layiqdi”.

Qeyd edək ki, 32 yaşlı futbolçunun “Mançester Siti” ilə müqaviləsi cari mövsümün sonunda başa çatır. Onun “Barselona”ya keçəcəyi barədə xəbərlər yayılıb.