“Barselona”dan ardıcıl 4-cü çempionluq: 26 oyun, 26 qələbə

Qadınlar arasında keçirilən futbol üzrə İspaniya çempionatının qalibi müəyyənləşib.

Futbolxeber.az saytının məlumatına görə, növbəti qələbəsini qazanan “Barselona” xallarının sayını 78-ə çatdırmaqla vaxtından əvvəl qızıl medalları təmin edib. Rəqibindən 1 oyun artıq keçirən “Real” 66 xalla ikincidi.

“Barselona” bu mövsüm keçirdiyi 26 oyunun hamısında qalib gəlib. Komandanın top fərqi də göz oxşayır - 108:5.  

Ardıcıl dördüncü çempionluğunu qazanan “Blauqrana” ümumilikdə 8 dəfə qızıl medallara sahib çıxıb.