“Mançester Yuneyted” yayda “9 nömrə” transfer edəcək

“Mançester Yunayted”in baş məşqçisi Erik ten Haq yay transfer pəncərəsi ilə bağlı planlarından danışıb.

Futbolxeber.az saytının “Daily Mirror”a istinadən verdiyi məlumata görə, niderlandlı mütəxəssis ilk növbədə mərkəz hücumçusu transfer etməli olduqlarını bildirib:

“Planlarımız çoxlarına məlumdu. İlk növbədə “9 nömrə” transfer etməliyik. Cari mövsüm məhz bu mövqedə böyük sıxıntı yaşadıq. Düzdür, komandamızda bu mövqedəki boşluğu doldura biləcək futbolçular var. Amma biz mütləq hücum xəttini yüksək səviyyəli futbolçularla gücləndirməliyik”.

Qeyd edək ki, daha əvvəl “Mançester Yunayted”in “Napoli”nin hücumçusu Viktor Osihmeni transfer etmək istədiyi barədə xəbərlər yayılıb.