İnzagi məğlubiyyətə görə məsuliyyəti üzərinə götürdü

“İnter”in baş məşqçisi Simone İnzagi İtaliya A seriyasının 26-cı turunda “Spetsiya”ya 1:2 hesabı ilə uduzduqları oyunu şərh edib.

Futbolxeber.az saytının məlumatına görə, italiyalı mütəxəssis məsuliyyəti üzərinə götürüb:

“Bu cür məğlubiyyətdən sonra danışmaq çox çətindi. Çünki biz meydanda bütün gücümüzü ortaya qoyduq. Yəqin ki, qələbə qazanmaq üçün daha aqressiv olmaq lazımdı. Fasiləyə qədər qol vurmaq gərəkirdi. Bəli, çox məyusuq. Amma artıq önümüzə baxmalıyıq. O ki qaldı məğlubiyyətə, bütün məsuliyyəti üzərimə götürürəm. Komanda layiqli oyun sərgiləsə də, nəticə ürəkaçan olmadı”.

Qeyd edək ki, bu yenilgidən sonra “İnter” əvvəlki kimi 50 xalla ikinci pillədə qərarlaşıb.