Gündoğan “Barselona”ya keçmək üçün maaşının azaldılmasına razıdı

“Mançester Siti”nin yarımmüdafiəçisi İlkay Gündoğan karyerasını “Barselona”da davam etdilər bilər.

Futbolxeber.az saytının AS-a istinadən verdiyi məlumata görə, futbolçunu razı salmaq üçün bu günlərdə Kataloniya klubunun baş məşqçisi Xavi futbolçu ilə şəxsən görüşüb. Mütəxəssis 32 yaşlı futbolçunu əmin edib ki, klub rəhbərliyi maliyyə feyr-pleyi ilə bağlı problemi tezliklə həll edəcək. İlkay özü də vəziyyəti anlayışla qarşıladığını və hətta “Barselona”da hazırkı maaşından daha aşağı məbləğə oynamağa razı olduğunu bildirib.

Qeyd edək ki, Gündoğan “Mançester Siti”də 2016-cı ildən çıxış edir. Cari mövsümdə o, bütün turnirlər nəzərə alınmaqla 37 matçda meydana çıxıb, 4 qol vurub və 4 məhsuldar ötürmə verib. Onunla klubu ilə müqaviləsi bu yay başa çatır.