Azar Ançelotti ilə danışmadıqlarını etiraf etdi

“Real”ın üzvü Eden Azar baş məşqçi Karlo Ançelotti ilə münasibətlərindən danışıb.

Futbolxeber.az saytının məlumatına görə, belçikalı yarımmüdafiəçi RTBF-ə açıqlamasında italiyalı mütəxəssislə danışmadığını etiraf edib:

“Ançelotti ilə qarşılıqlı hörmətimiz var. Lakin bir-birimizlə danışdığımızı deyə bilmərəm. Çünki bu, belə deyil. Amma mən hər zaman ona hörmətlə yanaşacağam. Ançelotti hörmətə layiq insandı. Çünki o, futbol üçün çox iş görüb. Üstəlik, parlaq karyeraya malikdi”.

Qeyd edək ki, Azar 2019-cu ildən çıxış edir. Bu mövsüm cəmi 7 oyuna çıxan belçikalı futbolçu 1 qol vurub və 1 məhsuldar ötürmə verib. Sonuncu dəfə o, yanvarın 3-də üçüncü liqa klubu “Kasereno” ilə kubok matçında (1:0) meydana çıxıb.