Qriliş: “Hiss edirəm ki, oyunum yaxşılaşıb”

“Mançester Siti”nin yarımmüdafiəçisi Cek Qriliş komandadakı rolu barədə danışıb.

Futbolxeber.az saytının məlumatına görə, ingilis futbolçu əvvəlki illərlə müqayisədə idman formasını yaxşılaşdırdığını bildirib:

“Hiss edirəm ki, oyunum yaxşılaşıb, özümə olan inamım daha da artıb. Məhsuldarlığım yüksəlib, vacib oyunlarda fərqlənməyi bacarıram. Bu, çox vacib məqamdı. Komandamın qələbəsində, qazandığı uğurlarda pay sahibi olmaq məni xoşbəxt edir. Ümid edirəm ki, bu, belə də davam edəcək”.

Qeyd edək ki, 2021-ci ildə “Aston Villa”dan “Mançester Siti”yə 117,5 milyon avro qarşılığında transfer olunan Qriliş cari mövsüm 32 oyuna çıxıb, 3 qol vurub və 6 məhsuldar ötürmə verib.