Qrizmann Araqonesin rekorduna yaxınlaşıb

Antuan Qrizmann “Atletiko”nun tarixində ən yaxşı bombardir olmağa yaxındı.

Futbolxeber.az saytının məlumatına görə, fransız forvard La Liqanın 24-cü turunda “Sevilya” ilə görüşdə (6:1) fərqlənməklə Madrid klubunda vurduğu qolların sayını 150-yə çatdırıb.

Qrizmann hazırda “Atletiko”nun tarixində ən yaxşı bombardir olan Luis Araqonesdən cəmi 4 top geri qalır.

Qeyd edək ki, Qrizmann “Atletiko”ya 2014-cü ildə “Real Soseydad”dan keçib. 2019-cu ildə o, “Barselona”ya transfer olsa da, 2 il sonra geri qayıdırb.  

Cari mövsüm fransız forvard Madrid klubunun heyətində 34 görüşdə meydana çıxıb və 9 qol vurub.