“Mançester Yunayted” Culiya Robertsin şəklini paylaşmaqla Qvardiolaya sataşdı

“Mançester Yunayted” “Mançester Siti”nin baş məşqçisi Xosep Qvardiolaya sataşıb.

Futbolxeber.az saytının məlumatına görə, bu gün ispan mütəxəssis açıqlamasında kumiri olan tanınmış aktrisa Culiya Robertsdən söz açıb:

“Mən Çempionlar Liqasında uğursuzam. Hətta ardıcıl 3 dəfə Avropanın 1 nömrəli klub turnirini qazansam belə, bəziləri eyni fikirdə qalacaqlar. Culiya Roberts bir müddət əvvəl Mançesterə gəlmişdi. Həmin vaxt “Mançester Yunayted”dən daha yaxşı durumda idik. Amma yenə də Roberts bizim deyil, “Yunayted”in qonağı oldu”.

Qvardiolanın bu açıqlamasından sonra günün ikinci yarısında “Mançester Yunayted” sosial şəbəkə hesablarında Culiya Robertsin “Old Traffod”da olan şəklini paylaşıb.