İnzagi: “Hakim səhvləri bizə mane olur”

“İnter”in baş məşqçisi Simone İnzagi hakim səhvlərindən gileylənib.

Futbolxeber.az saytının “Football İtalia”ya istinadən verdiyi məlumata görə, 46 yaşlı mütəxəssis dünən “Yuventus”la oyundan sonra (0:1) qeyd edib ki, hakim səhvləri “İnter”in Çempionlar Liqasına vəsiqə uğrunda mübarizə aparmasına mane olur:

“Biz “Yuventus”a qarşı çox oynamışıq. Bilirdik ki, onlar əks-hücumda çox təhlükəli olurlar. Normadan daha çox səhvə yol verdik. Lakin söhbət hakim səhvinin nəticəyə birbaşa təsir etdiyi matçdan gedir. Bu, ilk belə hal deyil. Ümumiyyətlə, hakim səhvləri bizə A seriyasında Çempionlar Liqasına vəsiqə uğrunda mübarizə aparmağa mane olur. Meydanda nə baş verdiyi aşkar görünürdü. Heç videotəkrara ehtiyac da yox idi. Biz “Yuventus”la oyuna final kimi yanaşırdıq. Futbolçularım da bütün güclərini meydanda qoydular. Onlara hər hansı iradım yoxdur”.