Avstriya - Azərbaycan oyununda anşlaq olacaq

AVRO-2024-ün seçmə mərhələsində keçiriləcək Avstriya - Azərbaycan oyununa biletlərin hamısı satılıb.

Futbolxeber.az saytının məlumatına görə, bu barədə Avstriya Futbol Assosiasiyasının baş direktoru Bernhard Neuhold açıqlama verib.

Onun sözlərinə görə, “Raiffeisen Arena”dakı qarşılaşma üçün satışa çıxarılan 17 000 bilet tükənib. Azərbaycan millisi ilə matçdan üç gün sonra Estoniya ilə eyni stadionda baş tutacaq görüşə də maraq böyükdür. Baş direktor həmin qarşılaşma üçün satışda cəmi 1000 biletin qaldığını bildirib.

Qeyd edək ki, martın 24-də keçiriləcək Avstriya - Azərbaycan oyunu Bakı vaxtı ilə saat 23:45-də start götürəcək.