“Çelsi”nin sabiq futbolçusunun dağıntılar altında qalan cəsədi tapıldı

"Hatayspor"un futbolçusu Kristian Atsu Hataydakı zəlzələdə vəfat edib.

Futbolxeber.az saytının Türkiyə mətbuatına istinadən verdiyi məlumata görə, bu barədə qanalı oyunçunun meneceri Murat Uzunmehmet məlumat verib: "Onun cansız bədəni dağıntılar altından çıxarıldı".

Qeyd edək ki, K.Atsu karyerası ərzində "Çelsi", "Everton", "Nyukasl", "Portu", "Malaqa", "Bornmut" kimi komandaların formasını da geyinmişdi.

Xatırladaq ki, fevralın 6-ı Türkiyənin bir neçə şəhərində güclü zəlzələ baş vermişdi. 31 yaşlı Atsu həmin vaxtdan dağıntılar altında qalmışdı və onun axtarışları gedirdi.