"Qəbələ"nin sabiq məşqçisi zəlzələ nəticəsində vəfat etdi

2009-2015-ci illərdə “Qəbələ” Futbol Akademiyasında qapıçı məşqçisi işləyən Uğur Kurt Türkiyədəki zəlzələ nəticəsində vəfat edib.

Futbolxeber.az saytının Türkiyə mətbutına istinadən verdiyi məlumata görə, bunu "Başakşehir"in prezidenti Göksel Gümüşdağ açıqlayıb.

"Akademiyamızda işləmiş, son olaraq "İskenderunspor"da çalışan Uğur Kurtun vəfat xəbərini üzüntü ilə öyrəndik", - deyə o bildirib.

Qeyd edək ki, 53 yaşlı mütəxəssis  “Zeytinburnuspor” (2004), “Qalatasaray” (2006), “Sarıyer” (2015), “Boluspor” (2016), “Karagümrük” (2016), “Manisaspor” (2017), “İstanbulspor” (2018), “Başakşehir” (2022) klublarında da fəaliyyət göstərib.