Messinin oyunu 10 ballıq sistemdə 3,5-lə qiymətləndirildi

Fransanın “Le Parisien” qəzeti PSJ-nin futbolçularının Fransa kuboku çərçivəsində “Marsel”lə görüşdəki (1:2) çıxışlarını qiymətləndirib.

Futbolxeber.az saytının məlumatına görə, 10 ballıq sistemdə Paris klubunun heyətində ən yüksək bala müdafiəçi Markinyos layiq görülüb - 7. Qapıçı Donnarummanın çıxışı 6,5 balla qiymətləndirilib.

Əsas diqqətçəkən məqam Lionel Messi ilə bağlıdır. Belə ki, fransızlar argentinalı ulduza 3,5 bal veriblər. Bu, PSJ-nin heyətində ikinci ən pis göstəricidir. Messidən zəif yalnız 2,5 bal alan Fabian Ruis olub.

Qeyd edək ki, “Marsel”ə uduzan PSJ Fransa kuboku ilə vidalaşıb.