“Real”ın onun üçün 40 milyon təklif etməsi yalandır”

“Zenit”in braziliyalı müdafiəçisi Robert Renanın 40 milyon avro qarşılığında “Real”a transfer olunacağı haqda yayılan xəbərlər həqiqəti əks etdirmir.

Futbolxeber.az saytının xarici KİV-ə istinadən verdiyi məlumata görə, bu haqda futbolçunun meneceri Lusi Fernando Qarsiya açıqlama verib.

“Yayılan xəbərlər doğru deyil. “Real”la hər hansı bir danışığımız olmayıb. Lakin Renanın gələcəyi parlaqdı. O, ən yüksək səviyyədə, qitənin aparıcı klublarında oynamağa qadirdi”, - deyə o bildirib.

Qeyd edək ki, 20 yaşlı müdafiəçi “Zenit”ə “Korintians”dan transfer olunub.