“Biz Dembeleni çox sevirik"

“Barselona”nın prezidenti Joan Laporta komandasının hücumçusu Usman Dembelenin klubdan mümkün gedişi haqda danışıb.

Futbolxeber.az saytının İspaniya mətbuatına istinadən verdiyi məlumata görə, klub rəhbəri fransız futbolçudan razılığını ifadə edib:

“Dembele “Barselona”da xoşbəxtdir. Biz də öz növbəmizdə ondan razıyıq. Biz bu futbolçunu sevirik. Onun klubla hazırkı müqaviləsi 2024-cü ilə kimi nəzərdə tutulub. Lakin biz Usmanın hələ uzun illər “Barselona”da qalmasını arzulayırıq”.

Qeyd edək ki, fransız forvard bu mövsüm La Liqada meydana çıxdığı 18 oyunda 5 qol vurub və 5 məhsuldar ötürmə verib.