“Yuventus” 5 futbolçu ilə vidalaşmaqla 70 milyona qənaət edəcək

“Yuventus” mövsümün sonunda 5 futbolçu ilə vidalaşacaq.

Futbolxeber.az saytının “La Gazzetta dello Sport”a istinadən verdiyi məlumata görə, Turin klubu Adrien Rabyo, Aleks Sandro, Xuan Kuadrado, Leandro Paredes və Anxel Di Mariya ilə vidalaşmaq fikrindədir. Bu futbolçuların hamısının klubla cari müqaviləsi 2023-cü ilin iyun ayında bitir. “Yuventus” onlarla vidalaşmaqla 70 milyon avroya qənaət edəcək.

Böyük ehtimalla, “Qoca Sinyora” bu mövsüm Çempionlar Liqasına vəsiqə qazana bilməyəcək. Bu səbəbdə də klubun qazancı əvvəlki illərə baxanda azalacaq. Məhz bu səbəbdən də “Yuventus” bir sıra futboçuları ilə yollarını ayırmaqla maliyyə vəziyyətini stabil saxlamağa çalışacaq.