Ovusunun “Ferentsvaroş”la növbəti qələbəsi

Macarıstan çempionatında 18-ci turun oyunları keçirilir.

Futbolxeber.az saytının məlumatına görə, lider “Ferentsvaroş” öz meydanında “Uypeşt”lə qarlaşıb.

Qış fasiləsində “Qarabağ”dan “Ferentsvaroş”a keçən Kvabena Ovusu da bu görüşün iştirakçısı olub. Ötən tur debütunu qolla qeyd edən qanalı forvard 61-ci dəqiqədə, hesab 1:1 olarkən Anderson Esitinin əvəzinə meydana çıxıb.

Ovusunun oyuna qoşulmasından sonra daha 2 qol vuran “Ferentsvaroş” yekunda 3:1 hesablı qələbə qazanıb.

Bu qələbədən sonra xallarının sayını 44-ə çatdıran Budapeşt klubu liderliyini davam etdirir. “Ferentsvaroş” ən yaxın izləyicisi “Keçskemeti”ni 14 xal qabaqlayır.