Özilin karyerasını başa vurması haqda xəbər yalan çıxdı

Almaniya millisinin sabiq üzvü Məsut Özilin futbolçu karyerasını başa vurduğu haqda yayılan xəbərlər təsdiqini tapmayıb.

Futbolxeber.az saytının “Deutsche Presse-Agentur”a istinadən verdiyi məlumata görə, türk əsilli almaniyalı futbolçu ən azı cari mövsümün sonuna kimi karyerasını davam etdirəcək.

Halbuki daha əvvəl təcrübəli yarımmüdafiəçinin qarşılıq razılıq əsasında hazırda formasını geydiyi Türkiyənin “Başakşehir” klubu ilə müqaviləsini pozduğu və karyerasını bitirdiyi barədə deyilirdi. Lakin Özil mövsümün sonuna kimi “Başakşehir”dəki çıxışı davam etdirəcək. Mövsüm yekunlaşdıqdan sonra isə Özilin hansı qərar qəbul edəcəyi hələ məlum deyil.

Qeyd edək ki, “Arsenal”ın və “Real”ın sabiq üzvü cari mövsümün böyük hissəsini zədə səbəbindən buraxmalı olub. O, yalnız 4 görüşdə forma geyib.