Rüfət zədələndi, komandası 1 xal qazandı

Almaniyanın Qərb Regional Liqasında 16-cı turun oyunları keçirilib.

Futbolxeber.az saytının məlumatına görə, Azərbaycan yığmasının sabiq hücumçusu Rüfət Dadaşovun formasını geyindiyi “Şalke-2” doğma meydanda “Alemanniya”la qarşılaşıb.

Futbolçumuzun komandası bu oyundan heç-heçə ilə ayrılıb - 0:0. Rüfət start heyətdə meydana çıxsa da, ilk hissədə zədələndiyi üçün fasilədə əvəzlənib.

Qeyd edək ki, “Şalke-2” 16 turdan sonra 25 xalla 18 kollektiv arasında 5-ci pillədə qərarlaşıb.