Nəbiyevin qolları qələbə gətirdi

Çexiya ikinci liqasında 23-cü turun oyunları keçirilir.

Futbolxeber.az saytının məlumatına görə, gənclər millimizin üzvü Fərid Nəbiyevin çıxış etdiyi “Viktoriya Jijkov” bu tur öz meydanında “Vlasim”i qəbul edib.

Meydana start heyətində çıxan Nəbiyev 20-ci dəqiqədə hesabı açıb, 38-ci dəqiqədə isə özünün və komandasının ikinci qolunu vurub. Dubla yadda qalan Fərid 78-ci dəqiqədə əvəzlənib.

Yekunda matç həmyerlimizin komandasının 3:1 hesablı qalibiyyəti ilə başa çatıb. Ardıcıl üçüncü qələbəsini qazanan “Viktoriya Jijkov” 23 turdan sonra 36 xalla turnir cədvəlində 4-cü pillədə qərarlaşıb.