Ronaldo millimizlə oyunda rekorda imza atdı

Portuqaliya millisinin kapitanı Kriştiano Ronaldo DÇ-2022-nin seçmə mərhələsində Azərbaycanla oyunda (1:0) rekorda imza atıb.

Futbolxeber.az saytının məlumatına görə, o, Portuqaliya millisində ən uzunmüddətli karyeraya malik futbolçu olub.

35 yaşlı hücumçu debütündən 6426 gün sonra Azərbaycana qarşı (1:0) oynayıb. Bu, Ronaldonun yığmadakı 171-ci görüşü olub. Onun 2003-cü il avqustun 20-dəki yığma debütündən 17 il 7 ay 2 gün keçib.

Beləliklə, Kriştiano bu göstəricidə Vitor Damasın rekordunu (ilk və son oyunları arasında 6305 gün, yəni 17 il 3 ay 5 gün) yeniləyib.